ဘလော့နှစ်ပတ်လည် ၃ နှစ်မြောက်အဖြစ်ဒီပို့စ်လေးကို တင်လိုက်ပါတယ်။
စက်တင်ဘာလကတော့ ကျွန်မအတွက် နှစ်ထပ်နှစ်ပတ်လည်ပေါ့နော်။ နောက်နှစ်ပတ်လည်
တစ်ခုကဘာလဲဆိုတာ သိတဲ့သူတွေသိကြပါတယ်။ အဲဒါတော့ မပြောတော့ဘူးနော် :-D ။
အမှတ်တရအဖြစ် ငယ်ငယ်က အကြောင်း၊ ဘလော့လုပ်ဖြစ်တဲ့ အကြောင်းလေးတွေကို
ပြန်စဉ်းစားမိရင်း ဒီပို့စ်လေးကို ရေးဖြစ်သွားတာပါ။ ဒီမှာတင်ထားတဲ့
မုန့်လုပ်နည်းကိုတော့ နောက်ပို့စ်တစ်ခုမှာမှပဲ ရှယ်တော့မယ်နော်
*************************************************************************
ငယ်ငယ်တုန်းက
ဟင်းချက်ရမှာကို ၀ါသနာမပါတဲ့ကျွန်မဟာ အခုလိုမုန့်ဖုတ်တာကို ၀ါသနာကြီးသူ၊
ဟင်းအဆန်းတွေကိုစမ်းချက်ရမှာ စိတ်ဝင်စားသူဖြစ်လာတာကို
ဆွေမျိုးတွေသူငယ်ချင်းတွေ မျက်စေ့လည်ကုန်ပါတယ်။
အမှန်တကယ်လည်း ကျွန်မဟာ ငယ်ငယ်တုန်းကဟင်းချက်တာတွေကို စိတ်မ၀င်စားခဲ့သလို အမေတို့အလုပ်သိပ်ပိုတာပဲလို့ ထင်ခဲ့မိပါတယ်။
လူကြီးတွေစားဖို့ ထမင်းဝိုင်းပြင်ရရင် ပန်းကန်တွေနဲ့သေချာတစ်ခွက်ချင်း
စီထည့်ရတော့ စိတ်ထဲမှာတော့ ထမင်းစားတာများ ထမင်းနဲ့ဟင်းကို ပန်းကန်ထဲစုပုံစားလဲပြီးတဲ့ဟာကိ
ု ပန်းကန်းတွေအများကြီးဆေးရအောင် လုပ်တယ် သိပ်ခက်တာပဲလို့ တွေးမိဖူးပါတယ်။
အမေတို့က ဟင်းလေးဘာလေးချက်ခိုင်းရင် အမေတို့ဟင်းကြီးတွေက ရိုးနေပြီ
ပျင်းစရာကြီးဆိုပြီး ချက်ခိုင်းလို့မရပါဘူး။ ဆီပူစင်မှာကလည်း ကြောက်သေးတယ်။
ဆီပူပူထဲ ကြက်သွန်ထောင်းတာတွေထည့်ပြီး ခုန်ရှောင်တဲ့အချိန်တွေကို
မှတ်မိပါသေးတယ်။
အဲဒီအချိန်တုန်းက တကယ်လည်းအဲဒီဟင်းတွေကို မချက်ချင်ခဲ့တာပါ။ နောက် ၁၀
တန်းလား ၉ တန်းလားမမှတ်မိတော့ဘူး ကျောင်းပိတ်တုန်းမှာ
အမေကဟင်းချက်သင်စေချင်ပါတယ်။ ဒါပေမယ့် ပုံမှန်ဟင်းတွေချက်ရမှာကို
ပျင်းတဲ့ကျွန်မ အမေ့ဟင်းတွေကရိုးတယ်ဆိုပြီးအြေ
ကာင်းပြတာနဲ့ အမေ ဟင်းချက်စာအုပ်တစ်အုပ်ဝယ်လာပါ
တယ်။ ။ ဟိုတုန်းက ဟင်းချက်စာအုပ်ဆိုတော့ အဖြူအမဲ ပုံမပါတဲ့လုပ်နည်းတွေသာပါတဲ့ စာအုပ်ပေါ့နော်။
စာအုပ်ဝယ်ရလာတော့ ချက်ရတော့မယ်။ ဘာအခြေခံမှ မသိဘဲ ကျွန်မရွေးလိုက်တဲ့ဟင်းက
ကြက်ဥကို ၀က်သားနဲ့အစာသွပ်ထားတဲ့ဟင်း ။(ငယ်ငယ်တည်းက ဟင်းအဆန်းချက်ချင်တာ
အဲလိုဇကလေး ပါလာတာနော်) အမေ့ကိုလည်း အမေဒီနေ့
သမီးဟင်းချက်မယ်ဆိုပြီးပြောလို
က်တေတာ့ အံ့ဩပြီး သူ့သမီးကို ယုံကြည်စွာနဲ့ "ဒါဆို မေမေဒီနေ့ဟင်းမချက်တော့ဘူး သမီးလက်ရာပဲစားတော့မယ် " ဆိုပြီးပြောပါတယ်။
အမေတို့များ သူ့သမီးကို အဲလိုတစ်ထစ်ချယုံကြည့်လိုက်တော့
တာ။ ကျွန်မကလည်း ကိုယ့်ကိုကိုယ် ယုံကြည်ချက် အပြည့်နဲ့
"ရတယ်မေမေ မချက်နဲ့" ဆိုပြီး အာမခံချက်ပေးလိုက်ပါတယ်။
အဖေ့ကိုလည်း အဖေသမီးဟင်းချက်မလို့ ဟင်းအဆန်းဆိုပြီး ဘာမှမလုပ်ရသေးခင်ကတည်းက ကြွားနေတာ။
လူကဟင်းသာမချက်ဖူးတာ ရွေးလိုက်တဲ့ဟင်းက အဲလိုအဆင့်ခပ်များများနဲ့
တစ်ခါမှမလုပ်ဖူးတဲ့ဟင်း။ အဲဒီအချိန်တုန်းကလည်း သေသေချာချာလုပ်တတ်တာဆိုလို့
ကြက်ဥကြော်ပဲရှိတာ။ ဒါပေမယ့်လည်း စိတ်ကတော့နည်းနည်းလေးမှမလျော့ဘူ
း ငါလုပ်လို့ဖြစ်ပါတယ်ပေါ့လေ။
ဈေးက၀ယ်လာတဲ့ ၀က်သားကို အိမ်မှာကူတဲ့အဒေါ်ကြီးက စဉ်းပေးထားတာအသင့်၊ ကြက်သွန်၊ ကြက်ဥ အလည်းအသင့်ပြင်လို့ပေါ့။
ကဲစချက်ပါပြီ။ ၀က်သားကို ပဲငံပျာရည် ဘယ်လောက်၊ အချိုမှုန့်ဘယ်လောက် အထိတော့ဟုတ်နေသေးတယ်။ ဟင်းချက်နေတာ စာအုပ်ကိုကြည့်ကြည့်ပြီးချက်ေ
နရတာလေ။ အဲကြည့်ရင်းကြည့်ရင်းနဲ့ တစ်နေရာကျတော့ ပြသနာတက်ပါလေရေ။ ဆားထည့်ခိုင်းတဲ့နေရာ ။
သေချာမသိတော့
ဟုတ်လောက်တယ် ထင်တယ်ဆိုပြီး ကောက်ထည့်ပြီး အပီအပြင်ရောနယ်။
ကြက်ဥကိုခေါက်ကြော် ၀က်သားအရောကိုထည့်နဲ့ dumpling လေးလိုလုပ်နဲ့ဟုတ်နေတာ။
အားလုံးချောချောမောမော ပြီးသွားလို့ ၀မ်းသာလိုက်တာပြောမနေနဲ့ပေါ့။
နောက်ထမင်းစားချိန်ရောက်တော့ မိသားစုအတူထမင်းစားတော့ အဖေကကျွန်မချက်တယ်ဆိုတဲ့ ဟင်းကိုကြည့်ပြီးပြုံးပြုံး ပြုံးပြုံးနဲ့ပေါ့လေ။
ကျွန်ကလည်း ပီတိအပြည့်နဲ့ ဟင်းကိုလူကြီးတွေ ဦးချပြီး ကောက်မြည်းလိုက်ချိန်မှာ အမလေး ငံလိုက်တာတူးနေတာပါပဲ။
ဘယ်လိုမှကိုဆက်စားလို့မရအောင်ပဲ ၂ လုတ်လားပဲစားပြီး ကျန်တာတွေကို လုံးဝဆက်မစားနိုင်တော့တာပါ။
အဲဒါနဲ့ အမေက "သမီးဆားဘယ်နှဇွန်းထည့်တုန်း"ဆိ
ုလို့ ကျွန်မက "စာအုပ်ထဲမှာတော့ ၂ ဇွန်းလို့တွေ့တာပဲ အဲဒါကြောင့် ၂ ဇွန်းပဲထည့်တာ " လို့မျက်နှာငယ်လေးနဲ့ပြန်ပြောေ
ပါ့လေ။
ဘာနဲ့ ၂ ဇွန်းတုန်းဆိုတော့ သူက လက်ဖက်ရည်ဇွန်း ၂ ဇွန်းဆိုတာကို
လက်ဖက်ရည်ဇွန်းနဲ့ စားပွဲဇွန်းမကွဲတဲ့ကျွန်မက ထမင်းစားတဲ့ဇွန်းကြီးနဲ့ ၂
ဇွန်း အားရပါးရကိုထည့်လိုက်တာပါ။
အဲဒီတော့ မငံပဲနေမလားနော်။ လူကြီးတွေက ကျွန်မစကားလဲကြားရော ငိုအားထက်ရယ်အားသန်ဆိုသလိုပါပဲ။
အဖေကတော့ နဲနဲလေးပဲ လေးတာပါဆိုပြီး ၂ ခုတိတိကုန်အောင် အားပေးရှာတာ အမှတ်တရပါပဲ။
ဒီလိုနဲ့ ၁၀ တန်းပြီး စင်္ကာပူရောက်လာတဲ့အထိ ဖြစ်ဖြစ်မြောက်မြောက် ဘာဟင်းမှကို မချက်ဖြစ်ပါဘူး။ ချက်ရင်လဲ အဆင်သိပ်မပြေတာက များပါတယ်။
နောက်တော့
အမေပါ လိုက်လာပြီး ဒီမှာနေတော့ ပိုဆိုးတော့တာပေါ့နော်။ ကျွန်မကရဲ့
အကြောင်းပြချက်ကလည်း ချက်နေကျဟင်းတွေဆိုရင် မချက်ချင်ပါဆိုပြီးတော့လေ။
တကယ်တမ်းကျတော့ အဲဒါတွေဟာ အခြေခံတွေမို့ မတတ်မဖြစ်တတ်မှ အဆင်ပြေမှာ။
ဒါပေမယ့်လည်း အဲဒီအချိန်ကတော့ ၁၀တန်းအောင်ခါစထက်တော့ အနည်းငယ်သာနေပါပြီ။
အမေ မလိုက်လာခင်တုန်းက ငတ်တော့ ကိုယ့်ဘာသာကိုယ်လျောက်လုပ်ရင်း
အမှားလေးတွေကို သတိထားမိပြီလေ။ နောက် အိမ်ထောင်ကျပြီးနောက်
ဟင်းချက်နည်းလေးတွေ ပိုလေ့လာဖြစ်လာတယ်။ ကိုယ့်ယောက်ျားကို ကိုယ်ချက်တဲ့
ဟင်းလေးတွေ ကျွေးချင်တာကိုးနော်။ ပြီးတော့ စားလို့ကောင်းတယ်ဆိုတဲ့
ချီးမွမ်းချက်ကလေးတွေ ကြားရရင် ပျော်တတ်လာပြီ။
တကယ်တမ်း
ဟင်းချက်ဘလော့တွေကို စပြီးမိတ်ဆက်ခဲ့ပေးတဲ့သူကတော့ ကျွန်မအမျိုးသားပါဘဲ။
သူက အဲဒီအချိန်လောက်မှာမှ (၂၀၀၈ အကုန်) ဘလော့တွေအကြောင်းသိလာတယ်။
အဲဒါနဲ့အတူ သူကိုယ်တိုင် ဘလော့တစ်ခု ဖန်တီးပြီး သူ့ဓာတ်ပုံတွေကို
စပြီးမျှဝေစပြုတယ် ( သူက ရှုခင်းပုံတွေသာ ရိုက်တဲ့ အပျော်တမ်း
ဓာတ်ပုံဆရာပါ) ဘာကိုလုပ်လုပ် ဇွဲနပဲနဲ့လုပ်တတ်တဲ့သူဟာ ဒီဘလော့ကိုလည်း
သူလိုချင်တဲ့ ပုံစံရအောင် ကလိတော့တာပါဘဲ။ အားတိုင်း ကွန်ပြူတာရှေ့မှာပဲ
ဆိုတော့ ကျွန်မက ငြူငြူစူစူနဲ့ပေါ့။
ဒါပေမယ့် အဲဒီအချိန်မှာပဲ ကျွန်မကလည်း သူ့ဘလော့ကနေတဆင့်တဆင့် ၀င်ဖတ်ရင်း
ဟင်းချက်တဲ့ ဘလော့တွေဆီရောက်သွားပါတယ်။ ဟင်းတွေထပ်နေတဲ့ အိမ်မှာ
ဟင်းချက်ဘလော့တွေက ကျွန်မအတွက်တော့ တကယ့်ကိုအားကိုးစရာပါပဲ။ ကျွန်မရဲ့
ဘလော့သက်တမ်းဟာ
မမလု၊
မိုးကောင်းသူ၊
စုဘူးအိမ်၊
စန္ဒကူး တို့နဲ့စခဲ့ပါတယ်။
အားလုံးဟာ ကျွန်မရဲ့ သင်ဆရာ မြင်ဆရာတွေချည်းပါပဲ။
အဲဒါတွေကို ၀င်ဖတ်ရင်းနဲ့ ကျွန်မလည်း ဘလော့တစ်ခု
ဖန်တီးချင်စိတ်ပေါ်လာတယ်။ ကျွန်မကလည်း မုန့်ဖုတ်တာ ၀ါသနာပါတော့
လုပ်နည်းလေးတွေကို မျှဝေပေးချင်စိတ်ပေါ်လာတယ်။ တပြိုက်နက်ထည်းမှာပဲ မမို
(လမင်းမိုမို) ရဲ့ အိမ်ရှင်မလက်ရာမှာလည်း တင်ဖြစ်တာနဲ့အတူ ထမင်းချက်နည်းကို
မျှဝေပေးတဲ့ သူငယ်ချင်းတွေ နဲ့ အသိုင်းအ၀ိုင်းလေးတစ်ခု ဖြစ်လာတော့
ဘလော့လေး လုပ်ချင်တဲ့ စိတ်က ပိုပြီးပြင်းပြလာတယ်။ အဲဒါနဲ့ပဲ ၂၀၀၉ ခုနှစ်
စက်တင်ဘာလမှာ ဘလော့တစ်ခုလုပ်ဖြစ်တယ် ။ မုန့်ဖုတ်တာ၊ ဘလော့ရေးတာနဲ့
အိမ်ရှင်မလက်ရာက အသိုင်းအ၀ိုင်းလေး ဖြစ်လာက တစ်ပြိုက်နက်ထဲလောက်ပြောလို့
ရတယ်။ အဲဒါတွေ အားလုံးဟာ ကျွန်မဘ၀ရဲ့ အရေးပါသော နေရာတစ်နေရာက အမြဲပါနေခဲ့ပြီး ပါဝင်ပတ်သက်မှုရှိခဲ့သမျှသူအား
လုံးကို ကျေးဇူးတင်ပါတယ်လို့ ဒီနေရာကနေပြောချင်ပါတယ်။
အဲဒါနဲ့ ဘလော့တစ်ခုကို ခိုးကြောင်ခိုးဝှက်လုပ်ဖြစ်တယ်။ တကယ့်ကို
ခိုးကြောင်ခိုးဝှက်ပါ။ ဘာလို့လဲဆိုတော့ ကျွန်မအမျိုးသား ဘလော့ရေးတုန်းက
အသားကုန်ဆူပွက်ထားတော့ တကယ်လဲ ကိုယ်ဘလော့လုပ်ရော သူ့ကိုဘယ်ပြောရဲမလဲနော်။
နောက်ဆုံးတော့လည်း နောက် ၅လအကြာမှ သူသိသွားခဲ့ပါတယ်။ အဲဒီတော့မှ ကျွန်မကို
သူနောက်လို့ မဆုံးဖြစ်တော့တာ ဒီနေ့အထိပါပဲ။ သူက အပင်ပန်းခံ
အငြိုအငြင်ခံပြီး လုပ်ထားရတဲ့လမ်းမှာ ကျွန်မဖြောင့်ဖြုးနေလိုက်တာဆြို
ပီး မခံချင်အောင်လည်း စတတ်ပါသေးတယ်။ ဘာပဲ ဖြစ်ဖြစ်သူ့ကြောင့်မို့ ဒီလိုအလုပ်တွေ လုပ်ဖြစ်တာဖြစ်လို့ သူ့ကိုလည်းကျေးဇူးတင်မဆုံးပါဘူး
။
ခုချိန်မှာတော့ ဟင်းချက်ခြင်း၊မုန့်ဖုတ်ခြင်းဟာ ကျွန်မဘ၀ရဲ့
တစိတ်တဒေသဖြစ်တယ်လို့ ပီပီပြင်ပြင်ပြောလို့ရပါပြီ။ ချက်တဲ့ဟင်းတွေကို
ဝေမျှပေးရတာဟာ ကျွန်မအတွက် ပိုပြီးအဓိပ္ပါယ်ရှိစေပါတယ်။ ပြီးခဲ့တဲ့ ၅
လလောက်ကစပြီး FOOD magazine မှာစာစပြီးရေးဖြစ်တယ်။ ဟင်းချက်နည်းစာတွေကို
ရေးရတဲ့အလုပ်ကိုလည်း ကျွန်မနှစ်ခြိုက်တယ်။ ဘာလို့ရေးတာလဲလို့ မေးရင်တော့
ဝါသနာအရပါလို့ပဲ ဖြေရပါမယ်။ အဲဒီဝါသနာကနေ တခြားသူတွေ
အကျိုးရှိတယ်ဆိုတာသိရတော့ ပိုပျော်ပါတယ်။
ခုတော့ ဘလော့သက်တမ်း ၃ နှစ်ရလာတာနဲ့အတူ စခဲ့တဲ့လမ်းကိုပြန်မျှော်ကြည့်
မိပါတယ်။
ဒီနေ့ဒီအချိန်ထိ ဆက်လုပ်ဖြစ်နေအောင် အားပေးနေတဲ့၊
ဘလော့နဲ့မိတ်ဆက်ပေးခဲ့တဲ့ ကျွန်မရဲ့လက်တွဲဖော် အမျိုးသားကို
ကျေးဇူးတင်တယ်လို့ ပထမဆုံးပြောချင်ပါတယ်။ သိသင့်သိထိုက်တဲ့ ဓာတ်ပုံပညာတဲ့
မိတ်ဆက်ပေးခဲ့တဲ့ ကျွန်မရဲ့လက်ဦးဆရာဆိုရင်လည်း မမှားပါဘူး။ နောက်
အိမ်ရှင်မလက်ရာ စပြီးလုပ်ခဲ့ကြတဲ့လူအားလုံး၊ Facebook ထဲကခင်မင်ခဲ့ရတဲ့
မိတ်ဆွေတွေအားလုံးကိုလည်း အားပေးပံ့ပိုးမှုတွေအတွက် ကျေးဇူးတင်ပြီး
အမြဲသတိတရရှိနေမှာပါ။ ကျွန်မရဲ့ဟင်းချက်နည်းတွေ
မဂဇင်းစာမျက်ပေါ်မှာရောက်လာအောင် ကူညီပံ့ပိုးပေးခဲ့သူတွေကိုလည်း
အထူးပဲကျးဇူးတင်ရှိပါတယ်။ နောက် ဘလော့မှာ အသစ်တင်တိုင်းအားပေးကြတဲ့ စာဖတ်သူ
မိတ်ဆွေများ၊ ကျွန်မကို မုန်းသူ ချစ်သူအားလုံးကိုလည်း ကျေးဇူးပါလို့။
နောက်ကိုလည်း အမြဲအားပေးကြပါဦး။ အမြဲတမ်းဆန်းသစ်တဲ့ ဟင်းချက်နည်းတွေ၊
မုန်လုပ်နည်းလေးတွေကို မျှဝေပေးဖို့ကြိုးစားနေမှာပါ။
ခင်မင်စွာဖြင့်
Evy
