တူနာကြက်ဥကြော်

ရိုးရိုးကြက်ဥကြော်များကို ငြီးငွေ့လာရင် တူနာကြက်ဥကြော်လေး ကြော်စားကြည့်ကြပါလို့ အကြံပေးချင်ပါတယ်။ ဒီနည်းကိုတော့ ကျွန်မရဲ့ ညီမငယ်တစ်ယောက်က ပြောပြပေးခဲ့တာပါ။ ဘယ်အရာမဆို ဆရာမပြနည်းမကျဆိုသလို ဘယ်လောက်လွယ်လွယ် ဒီလိုကြော်စားရင်စားကောင်းမှန်း မသိခဲ့တော့လည်း ကြော်မစားဖြစ်ခဲ့ဘူးပေါ့။ သူပြောပြသလိုလေးကြော်လိုက်တော့လည်း စားလို့ကောင်းလွန်းတာကြောင့် အိမ်မှာကြက်ဥကြော်ဆိုရင် တူနာပါမှဆိုသလိုကို ဖြစ်သွားတော့တာပါပဲ။

ပါဝင်ပစ္စည်းများ

တူနာအသင့်သုံးဗူးတစ်ဗူး

ကြက်ဥ ၆ လုံး

ငရုပ်သီးအနည်းငယ်

ပြုလုပ်နည်း

ကြက်ဥကိုခေါက်ကာ ပွလာလျှင် တူနာရောထည့်ကာ အသာမွှေပေးပါ။

ဆီစားပွဲဇွန်း ၄ ဇွန်းခန့်ကို အပူပေးကာ ခေါက်ထားသော ကြက်ဥနှင့်တူနာကို ရောမွှေပါ။

ကြက်ဥတစ်ဖက်စီကို ရွှေညိုရောင်သမ်းအောင်ကြော်ကာ ပူပူနွေးနွေးသုံးဆောင်ပါ။

အသဲပုံကြက်ဥကြော်

Valentine’s နေ့နီးလာပြီဆိုတော့ ချစ်သူများနေ့ အငွေ့အသက်လည်းရပြီး လွယ်ကူမြန်ဆန်တဲ့ မုန့်လုပ်နည်း။ ချက်နည်းလေးတွေ မျှဝေပါမယ်။ ဒီနည်းကတော့ အင်တာနက်မှာတွေ့တာလေးတွေကို မှီငြမ်းပြီးပြန်လုပ်ကြည့်ထားတာလေးပါ။ အများစုကတော့ တွေ့ဖူးပြီးသားဖြစ်မယ်ထင်ပါတယ်...

လွယ်ကူမြန်ဆန်တဲ့ အသည်းပုံကြက်ဥလေး ကြော်ကြည့်ကြရအောင်။အသဲပုံခွက်ကို လုံးဝမသုံးပဲကြော်ထားတဲ့ နည်းပေါ့။ ဒီနည်းအတွက် ကြက်အူချောင်းရယ် ကြက်ဥရယ်ပဲ လိုပါတယ်။ ကျန်တာကတော့ ဆား၊ ငရုပ်ကောင်းနဲ့ ဆီအနည်းငယ်ပါ။ ကြက်အူချောင်းက မိမိနှစ်သက်ရာ အမျိုးအစားကို သုံးနိုင်ပါတယ်။ ကျွန်မသုံးထားတာက ငရုပ်ကောင်းကြက်အူချောင်း အမျိုးအစားပါ။

ပြုလုပ်နည်း

1. ပထမဦးဆုံး ကြက်အူချောင်းကို ပုံမှာပြထားတဲ့အတိုင်း အစွန်းတစ်ဖက်ကိုချန်ကာ အလယ်ကနေဓါးနဲ့ ဖြတ်ပေးပါ။ အစွန်းနားကို ၁ စင်တီမီတာနီးပါးပဲချန်ထားမှ ပုံဖော်တဲ့အခါမှာ အဆင်ပြေမှာပါ။
2. ရလာတဲ့ ကြက်အူချောင်းကို ပုံပါအတိုင်း အသဲပုံရအောင် ဆက်ပေးပါ။ အစွန်း ၂ ဖက်ကို သွားကြားထိုးတံဖြင့် ထိန်းပေးပါ။ ဒါဆိုရင် ကြက်အူချောင်း အသဲပုံခွက်ရပါပြီ။
3. ဆီစားပွဲဇွန်း ၁ ဇွန်ကိုးအပူပေးပြီး အသဲပုံကြက်အူချောင်းကို အရင်ထည့်ပါ။
4. ကြက်ဥတစ်လုံးစီကို အသဲပုံကြက်အူချောင်းခွက်တစ်ခုစီထဲကို ဖောက်ထည့်ပါ
5. ဆားဖြူးကာ အဖုံးအုပ်ပြီး  ၃မိနစ်ခန့်မီးပေါ်မှာတင်ထားပေးပါ။
6. စားကာနီးမှ ငရုပ်ကောင်းဖြူးကာ သုံးဆောင်ပါ။

ကြက်ဥကြော်သုပ်

ဒီဟင်းလေးကတော့ ယိုးဒယားစာအုပ်တစ်အုပ်ထဲကနေ မီငြမ်းထားတာပါ။ လုပ်ရတာလဲ မခက်တာမို့ စမ်းကြည့်ပြီး တင်လိုက်ပါတယ်။ ဟင်းမရှိတဲ့ အချိန်အတွက် အသုံးဝင်မယ်ထင်ပါတယ်။

• ကြက်ဥ ၃ လုံးကို ကြော်ထားပါ နောက်ခပ်သေးသေးလှီးထားလိုက်ပါ)
• ခရမ်းချဉ်သီးအသေး (cherry tomato) ၁၀လုံးကို ထက်ခြမ်းခြမ်းထားပါ
• ကြက်သွန်မိတ်၁ ပင်ကို လက်တစ်ဆစ်ခန့လှီးပါ
• ကြက်သွန်နီဥကြီး တစ်လုံးကိုပါးပါးလှီး
• ငရုပ်သီး ၄ တောင့် (သေးသေးလှီး)
• ပုဇွန် ၄ ကောင် (ရေနွေးဖျောပြီး နုတ်နုတ်စဉ်းထားပါ)
• အဲဒါတွေအားလုံးကို ဆော့နဲ့ အသာရောနယ်လိုက်ရင် ချဉ်ငံစပ်အရသာရှိလှတဲ့ ကြက်ဥကြော်သုပ်ရပါပြီ

*********************
ဆော့အတွက်
သံပုရာရည် စားပွဲဇွန်း ၃ ဇွန်း
ငံပျာရည် စားပွဲဇွန်း ၂ ဇွန်း
ထန်းလျက် လက်ဖက်ရည်၁ဇွန်း (ညက်ညက်ထောင်း)

ဆေးဘဲဥ အစပ်ကြော် (Spicy century egg)

ဒီဆေးဘဲဥ အစပ်ကြော်ဟင်းလေးကတော့ စာအုပ်တစ်အုပ်ထဲက နမူနာယူပြီး ပြန်လုပ်ပြထားတာပါ။ သူ့ထဲက အညွှန်းတွေအတိုင်း အတိအကျမဟုတ်ဘဲ ကျွန်မတို့ ဗမာပါးစပ်နဲ့အဆင်ပြေအောင် ခပ်စပ်စပ်ကလေးလုပ်ထားလို့ ထမင်းဖြူဖြူလေးနဲ့ တွဲစားလိုက်ရင် ထမင်းမြိန်စေပါတယ်။ အသားမပါဘူး မဖြစ်ရအောင် အသားလေးတွေကိုလည်း နုတ်နုတ်စဉ်းပြီးထည့်ထားတော့ အသားအရသာနဲ့ ဆော့စ်အရသာရောပြီး အင်မတန်မှလိုက်ဖက်ညီပါတယ်။ ဒါ့အပြင် ဆေးဘဲဥအရသာ ဆိမ့်ဆိမ့်လေးပါတွဲလိုက်တော့ ပိုပြီးစားကောင်းသွားတာပေါ့နော်။ အသားကတော့ ကြက်သား (သို့) ၀က်သားသုံးနိုင်ပါတယ်။ ၀က်သားနဲ့ဆိုရင်တော့ ပိုလိုက်ဖက်မယ်ထင်ပါတယ်။ လုပ်နည်းလေးကြည့်လိုက်ရအောင်။

ပါဝင်ပစ္စည်းများ

• ဆေးဘဲဥ ၂လုံး
• ကြက်သား (သို့) ၀က်သား အနည်းငယ် (နုတ်နုတ်စဉ်း)
• ခရုဆီ စားပွဲဇွန်း ၁ ဇွန်းလျော့လျော့
• ငရုပ်ဆီစားပွဲဇွန်း ၂ ဇွန်း
• ပဲငံပျာရည်အကြည် စားပွဲဇွန်း ၁ဇွန်း
• ဟင်းခပ်မှုန့် အနည်းငယ်

ချက်ပြုတ်နည်း

1. ပထမဆုံး ဆေးဘဲဥကို အခွံခွပြီး ရေနွေးဆူဆူမှာ ၅ မိနစ်လောက်စိမ်ထားပေးပါ
2. ကြက်သားကို ဆားအချိုမှုန့် နယ်ထားပေးပါ
3. နောက်ဆေးဘဲဥတွေကို ၄ စိတ်စီစိတ်ပြီး ဂျုံမှုန့်လူးပြီး ကြော်ကာ ဆီစစ်ထားပေးပါ
4. ဆီစားပွဲဇွန်း ၁ ဇွန်းကိုပူအောင်တည်ပြီး ကြက်သားတွေကိုထည့်ကြော်ပေးပါ တဆက်ထည်းမှာပဲ ခရုဆီ၊ ငရုပ်ဆီ နဲ့ ပဲငံပျာရည်၊ ဟင်းခပ်မှုန့်အနည်းငယ်ကိုထည့်ပြီးရေ တစ်ရုပ်ပန်းကန်လုံး ထက်ဝက်ထည့်ပေးပါ။
5. ဆော့စ်တွေနဲနဲဆူလာပြီဆိုရင် ကြော်ထားတဲ့ ဆေးဘဲဥလေးတွေထည့်၊ ငရုပ်သီးတစ်တောင့် ပါးပါးလှီးထားတွေထည့်မွှေပြီး မီးပိတ်ပေးလိုက်ပါ။

ဒါဆိုရင်တော့ ထမင်းပူပူလေးနဲ့ တွဲစားဖို့ ဆေးဘဲဥအစပ်ကြော် အဆင်သင့်ဖြစ်ပါပြီ။

ဆေးဘဲဥ တာရီယာကီ

 ဆေးဘဲဥကို ရိုးရိုးသုပ်စားရမှာ ရိုးနေပြီထင်တဲ့ သူများအတွက် အောက်တိုဘာထုတ် FOOD Magazine မှာ ဆေးဘဲဥဟင်းချက်နည်း မျိုးစုံကိုဖော်ပြထားပါတယ်။ ဒါလေးကတော့ဆေးဘဲဥ ချက်နည်းများထဲက တစ်မျိုးဖြစ်တဲ့ ဆေးဘဲဥ တာရီယာကီပါ။

ဒီဟင်းလေးကတော့ ဆေးဘဲဥကို ထက်ဝက်ဝက်၊ ကြက်သားတစ်ဝက်နဲ့ရောပြီး ကြက်သားဆေးဘဲဥအလုံးလေးတွေဖြစ်အောင်လုပ်ထားတာပါ။ ကျွန်မတို့ အိမ်နားက shopping mall မှာ Teriyaki Chicken Ball ဆိုပြီး ကင်ထားတဲ့ ကြက်သားလုံးလေးတွေကို Teriyaki ဆော့စ်ဆမ်းထားတာလေးတွေရောင်းပါတယ်။ အရသာကလည်းအင်မတန်ကောင်းပါတယ်။ အဲဒါလေးတွေကိုကြည့်ပြီး ဒီလဆေးဘဲဥမျိုးစုံဆိုတော့ အဆန်းလေး စမ်းသပ်ကြည့်ဖို့ အကြံရသွားတာပါ။ ကြက်သား Teriyaki ဆော့စ်က သူ့ဘာသူကောင်းပြီးသားကို ဆေးဘဲဥ အနှစ်ဆိမ်ဆိမ့်လေးရဲ့ အရသာနဲ့ တွဲလိုက်တော့ ပြောစရာမလိုအောင် စားလို့ကောင်းသွားပါတယ်။ ဒီဟင်းလေးကတော့ ထမင်းနဲ့စားတာထက် Appetizer လိုမျိုးစားဖို့ပိုပြီး သင့်တော်ပါတယ်။ လုပ်နည်းလေးကြည့်လိုက်ရအောင်။

ပါဝင်ပစ္စည်းများ

• ဆေးဘဲဥ ၂လုံး ထက်ဝက်ခြမ်းထားပါ
• ကြက်သား (သို့) ၀က်သား အနည်းငယ် (နုတ်နုတ်စဉ်း)
• ပြောင်းဖူးမှုန့် လက်ဖက်ရည် ၁ ဇွန်း
• ကြက်သားမှုန့် လက်ဖက်ရည်၁ ဇွန်း
• ကြက်သွန်ဥသေး ( Shallot) ၂ ဥ (နုတ်နုတ်စဉ်း)
• မုန်လာဥနီအနည်းငယ် (နုတ်နုတ်စဉ်း)
• ကြက်သွန်ဥ အသေး ၂ လုံးကိုပါးပါးလှီးထားပါ
• တာရီယာကီဆော့ ဟင်းချိုဇွန်းကြီး ၁ ဇွန်းခွဲ
• ပဲငံပျာရည် စားပွဲဇွန်း ဇွန်းဝက်
• အချိုမှုန့်အနည်းငယ်
• ငရုပ်ကောင်းအနည်းငယ်

ပြင်ဆင်နည်း

• အသားနဲ့ နုတ်နုတ်စဉ်းထားတဲ့အဆာပလာတွေကို ရောနယ်ပေးထားပါ။
• နယ်ထားတဲ့ အဆာပလာတွေကိုထက်ခြမ်းခြမ်းထားသော ဆေးဘဲဥအခြမ်းတွေမှာ ကပ်ပေးပြီး ပြောင်းဖူးမှုန့်လူးကာဆီပူပူမှာ ၁၀ မိနစ်လောက်ကြော်ပြီး ဆီစစ်ထားပေးပါ
• ဆီစားပွဲဇွန်း ၁ ဇွန်းကို အပူပေးပြီး ပါးပါးလှီးထားတဲ့ ကြက်သွန်တွေကို ထည့်ကြော်ပေးပါ။ ၁ မိနစ်လောက်နေရင် တာရီယာကီဆော့၊ ပဲငံပျာရည်၊ အချိုမှုန့်၊ ငရုပ်ကောင်းကိုထည့် ရေလေးနဲနဲထည့်ပြီး ဆူလာအောင် တည်ပေးပါ။
• ဆူလာရင် ခုနကကြော်ထားတဲ့ဘဲဥတွေကိုထည့်ပြီး သမအောင်မွှေပေးပါ။
• ၂မိနစ်လောက်နေရင်ချပြီး ကြက်သွန်မိတ်ဖြူးပြီးသုံးဆောင်ပါ။

ပူတင်းပေါင်မုန့်

ဒီတစ်ခါတော့ ပူတင်းပေါင်မုန့်လေးပါ။ သာမန်ပူတင်းပေါင်မုန့်များလို ပေါင်မုန့်ကိုကြက်ဥရည်ထဲ ထည့်တာမဟုတ်ပဲ ပေါင်မုန့်ထဲကို ကြက်ဥရည်ပြန်ထည့်တာပါ။ ။ ဒီမုန့်လုပ်နည်းလေးကို မုန့်ဆိုင်တစ်ဆိုင်ကနေရလိုက်တာပါ။ ၀ယ်စားကြည့်ပြီး ကြိုက်တာနဲ့ အိမ်မှာစမ်းလုပ်တာ အဆင်ပြေတာကြောင့်လုပ်နည်းလေးရေး
ပေးလိုက်ပါတယ်။ လုပ်ရတာ လွယ်ကူပြီးမနက်စာအတွက်အဆင်ပြေ နိုင်တဲ့ မုန့်လေးပေါ့။ အားလုံးပဲ နှစ်သက်ကြမယ်ထင်ပါတယ်

ပါဝင်ပစ္စည်းများ

• ပေါင်မုန့် ၆ လုံး
• ကြက်ဥရည်

အရင်ဆုံးကြက်ဥရည်ကို ပြင်ဆင်ပါမယ်

• နွားနို့  1 cup
• နို့စိမ်း 1/2 cup
• သကြား ၃ ဇွန်း
• ကြက်ဥ ၂ လုံး
• ကြက်ဥ အနှစ် ၁ခု
• ဗနီလာအနံ့ ၂ စက်ခန့်

1. ကြက်ဥရည်အတွက် ကြက်ဥ၊ ဗနီလာအနံ့နဲ့ သကြားကို သမအောင်ခေါက်မွှေထားလိုက်ပါ
2. နို့ကို အပူပေးပြီး မဆူခင်လေးတင်မီးပေါ်မှ ချလိုက်ပါ
3. ပြီးရင် ခုနက မွှေထားတဲ့ ကြက်ဥနဲ့ သကြားထဲကိုလောင်းထည့်ပေးပါ။ တစ်ချိန်တည်းမှာလဲ လက်နဲ့မွှေနေပေးပါ
4. ရလာတဲ့ နို့ကြက်ဥရည်တွေကို စကာနဲ့စစ်ပြီးရင် သုံးလို့ရပါပြီ။

ကျွန်မကတော့ အသင့်ရှိတဲ့ ပေါင်မုန့်လေးတွေကို သုံးလိုက်ပါတယ်။
ပေါင်မုန့်ကို ပုံမပျက်စေပဲ အထဲက အသားလေးတွေကို နည်းနည်းဖဲ့ပြီး ကြက်ဥရည်လောင်းထည့်ဖို့ ခွက်ကလေးတွေဖြစ်အောင်လုပ်ယူပါမယ်။ နောက်ပူတင်းဖြစ်မယ့် ကြက်ဥရည် အနည်းငယ်ကို လောင်းထည့်ပြီး ၁၆၀ ဒီဂရီ အာဗင်မှာ ၅ မိနစ်ကင်ပေးပါ (ဒီလိုမှ မလုပ်ရင် အပြင်ကို ကြက်ဥရည်တွေ စိမ့်ထွက်လို့ပါ)။ ထည့်ထားတဲ့ ကြက်ဥရည်အသားလေးနဲနဲတင်းပြီဆိုမှကြက်ဥရည်ထပ်ဖြည့်ပြီး နောက်ထပ် ၂၀ မိနစ်ကင်ပေးရင် ရပါပြီ

ချောကလက် ပေါင်မုန့်ကြက်ဥကြော်

ခုတစ်ခါတော့ အလွယ်လမ်းလေး လိုက်လိုက်ဦးမယ်။ ထွေထွေထူးထူးတော့ မဟုတ်ပါဘူး။ မနက်စာပေါင်မုန့်ကြော်လေးပါ။ ရိုးရိုးကြော်တာကို နဲနဲလေးထူးသွားအောင် ထပ်ကွန့်လိုက်ပြီး အထဲမှာချောကလက်ထည့်လိုက်တာ။ တကယ်တမ်း ဒီအိုင်ဒီယာက စာအုပ်လေးတစ်အုပ်ထဲက ရတာပါ။ စာအုပ်ဆိုင်ရောက်ရင် အရင်ဆုံးကြည့်မိတဲ့ အတန်းကအစားအသောက်စာအုပ်တန်း။ အမြဲတမ်း ဟိုမွှေဒီမွှေနဲ့ ဟင်းချက်စာအုပ်တွေအားလုံးကို အငမ်းမရကြည့်တာက အကျင့်တစ်ခုကို ဖြစ်လို့။ လိုချင်တာကတော့ အကုန်လုံး ဒါပေမယ့် လိုချင်တိုင်းလည်း ၀ယ်လို့မဖြစ်နိုင်ဘူးမလား။ တစ်ခါတစ်လေကြရင် ကြိုက်တာလေးတစ်ခုနဲ့ တစ်အုပ်လုံးဝယ်မိတဲ့ အခါမျိုးတွေလဲ ဖြစ်လားဖြစ်ရဲ့။ အဲဒါနဲ့ပဲ ဆင်ခြင်ဦးမှဆိုပြီး ကြိုက်တာတွေ့ရင် စိတ်ထဲမှတ်လာ မှတ်မိရင်လဲ ပြန်ချက် မမှတ်မိတဲ့ဟာကျတော့လည်း ထားလိုက်နဲ့လုပ်နေတာ။ ဒီဟာလေးက လွယ်လွယ်လေးဆိုတော့ မှတ်မိနေတာ။

နိုင်ငံခြားမှာနေရတဲ့ ကျွန်မတို့အတွက်က မနက်စာကို ပေါင်မုန့်စားရင်စား မစားရင် ကွေကာအုပ်လိုဟာမျိုးပဲစားဖို့

အဆင်ပြေပါတယ်။  ကမန်းကတမ်းစားပြီး ရုံးသွားရတာကိုးနော်။ တကယ်စားချင်တာကတော့ မုန့်ဟင်းခါး၊အုန်းနို့ခေါက်ဆွဲ၊ နန်းကြီးသုပ်....စတဲ့မြန်မာအစားအစာတွေ.ရေးပြရင်ကုန်မယ်မထင်ဘူး။ ပေါင်မုန့်ကို အမြဲတမ်းရိုးရိုးကြီးစားရတာလဲ ပျင်းစရာကြီးနော်။ အဲဒါနဲ့ပဲ ဒီနည်းကို စမ်းလုပ်ကြည့်လိုက်တာ။ မဆိုးပါဘူး အပြောင်းအလဲလေးပေါ့။

ပါဝင်ပစ္စည်းများ

• ပေါင်မုန့်
• ချောကလက်
• ကြက်ဥ
• ထောပတ်

လုပ်နည်းက လွယ်လွယ်လေးပဲနော်။ ပေါင်မုန့်ကြားထဲ ချောကလက်ညှပ် ထွက်မကျအောင် သွားကြားထိုးတံလေးနဲ့ထိုး။ ကြက်ဥခေါက်ထားတဲ့အထဲနှစ်ပြီး ထောပတ်ကိုအပူပေးထားတဲ့ အထဲထည့်ကြော်ရင်ရပြီ။ စားခါနီးအလှဆင်ချင်ရင် သကြားမှုန့်လေး ဖြူးလိုက်ရင် စားဖို့အသင့်ဖြစ်နေပါပြီ။ နောက်မှပဲဟင်းချက်နည်း အဆန်းလေးတွေရေးတော့ ခုတော့ လွယ်လွယ်ကူကူလေးကိုပဲ အားပေးကြပါဦး။

Delicious Egg Tarts

မုန့်တွေလုပ်တာကြာပြီဖြစ်ပေမယ့်လို့ မလုပ်ကြည့်ရသေးတာ ဒီမုန့်လေးပါ။ အကြောင်းကြောင်းကြောင့် သူ့အလှည့်မရောက်နိုင်ပဲ တခြားမုန့်တွေနဲ့သာ အချိန်ကုန်သွားတာများပါတယ်။ ဒီတစ်ခါတော့ ဖြစ်အောင်လုပ်စားမယ်ဆိုပြီး လိုအပ်တဲ့ ပစ္စည်းလေးတွေဝယ်လာပြီးတဲ့နောက်တော့ တကယ်လုပ်ဖြစ်သွားပါတော့တယ်။ တခြားမုန့်တွေလိုသိပ်ဇယားမရှုပ်ပဲ စားလို့ကောင်းတဲ့ မုန့်လေးမို့လို့ ခဏခဏလုပ်စားဖြစ်မှာတော့ မြင်ယောင်နေပါတယ်။ စာအုပ်ထဲက မုန့်လုပ်နည်းနဲ့ အင်တာနက်ပေါ်က ရှာတွေ့သော မုန့်လုပ်နည်းကို ၂ မျိုးရောမွှေထားသော ကျွန်မရဲ့နည်းပေါ့နော်။

ဒီလိုဆိုဒ်မုန့်မျိုးလေးတွေ ၁၁ ခု ထွက်ပါတယ်။ ပိုတဲ့ကြက်ဥအရည်တွေကိုတော့ ပေါင်းလိုက်ပြီး ကြက်ဥပေါင်းလုပ်စားလိုက်တယ်။

ဂျုံသားအတွက်

• ဂျုံ ၂၀၀ ဂရမ်
• icing sugar -  ၆၀ ဂရမ်
• ထောပတ် ၁၀၀ ဂရမ်
• ကြက်ဥ အနှစ် ၁ခု

1. ဂျုံနဲ့ သကြားမှုန့်ကို ရောမွှေထားပြီး ထောပတ်နဲ့ နယ်ပေးပါ။ 
2. ပုံမှာ ပြထားသလို အဖတ်အဖတ်ကလေးတွေ ဖြစ်လာပြီဆိုရင် ကြက်ဥအနှစ် ၁ ခုကိုရောမွှေပြီး ဂျုံအလုံးဖြစ်အောင် လုံးထားပါ။ 
3. ပြီးရင် ရေခဲသေတ္တာထဲမှာ ၁၀ မိနစ်လောက်ထားပေးပါ။ ပြီးရင် 1/2 စင်တီမီတာ လောက်အထူအပြားရအောင် ဆီစိမ်စက္ကူ ၂ခုကြားမှာ ဒလိမ့်တုံးနဲ့ လှိမ့်ပေးပါ။
4. မုန့်ဖုတ်မယ့် ခွက်ကလေးထက်နဲနဲကြီးကြီးအောင် ဖြတ်ပေးပြီး ခွက်ကလေးတွေထဲကို အသာအယာဖိသိပ်ပေးပါ။ ခွက်အောက်ခြေက်ို ခက်ရင်းလေးနဲ့ ၃ ချက်လောက်ထိုးပေးပါ။ ဒါဆိုရင် မုန့်ဖုတ်မယ့် ခွက်ကလေးတွေ အသင့်ဖြစ်နေပါပြီ။ ကြက်ဥရည် အဆင်သင့်မဖြစ်ခင် အဲဒီခွက်ကလေးတွေကို ရေခဲသေတ္တာထဲမှာ ထားပေးပါ

ကြက်ဥရည် ပြင်ဆင်ခြင်း

• ကြက်ဥ၃ လုံး
• ကြက်ဥအကာ၁ခု
• သကြား ၁၀၀ ဂရမ်
• ရေ ၁၀၀ ဂရမ်
• နွားနို့ ၂၀၀ ဂရမ်

1. ရေနဲ့ သကြားကိုအရင်ကျိုပြီး အအေးခံထားပါ
2. ကြက်ဥနဲ့ နွားနို့ကိုခေါက်ထည့်ပြီး သမအောင်မွှေပေးပါ။
3. ပြီးရင်အဲဒီကြက်ဥ ရည်ကို စကာ ၂ ခါလောက်ချပေးပါ (ဒါမှ မုန့်သားချောချောမွတ်မွတ်လေးတွေရမှာ)
4. ပြီးရင် ခုနကလုပ်ထားတဲ့ ခွက်ကလေးတွေထဲထည့်ပြီး ၁၇၀ ဒီဂရီအာဗင်မှာ မိနစ်၂၀ဖုတ်ပေးပါ ပြီးရင် ၁၆၀ ဒီဂရီကိုလျော့ချပြီး ၁၀ မိနစ်ထပ်ဖုတ်ပေးပါ။
5. ဒါဆိုရင် စားလို့ကောင်းတဲ့ ကြက်ဥမုန့်လေးတွေရပါပြီ