မှိုပေါင်း

နာနတ်သီးမုန့်လုပ်ပြီးကတည်းက ငြိမ်နေတာကြာပါပြီ။ ဟင်းတွေကတော့ အမြဲမဟုတ်ရင်တောင် ၁ပတ်မှာ ၂ ခါ (သို့) ၃ခါ ချက်ဖြစ်တယ်။ ဒါပေမယ့်လည်း ချက်ဖူးသမျှတွေချည်းပဲ ဆိုတော့ဘလော့ထဲကို မရောက်ဘူးပေါ့။ ဒါနဲ့ပဲ ဘလော့မှာ တင်ဖို့ အကြံထုတ်ရပါတယ်။ နောက်တော့ ချော (အစိမ်းရောင်လွင်ပြင်) ရဲ့ မှိုပေါင်းလေးကို သွားတွေ့တယ်။ အဲဒါလေး ပြန်လုပ်စားကြည့်တာလည်း စားကောင်းတာမို့ သူ့မှိုပေါင်းလုပ်နည်းကို ပြန်မျှလိုက်ပါတယ်။ လုပ်နည်းလေးက လွယ်လွယ်လေးနဲ့ အချိန်ကုန်သက်သာပါတယ်။

 ရွှေအပ်မှိုလေးတွေကို ကျူဆိုင်နဲ့စည်း။ ဆော့စ်ပြင်။ အဲဒါကလည်း လွယ်ပါတယ်နော်။ ပဲငံပျာရည်၊ သကြား၊ နှမ်းဆီ ကိုရော (လိုချင်တဲ့ အရသာကို ကိုယ့်ဘာသာကိုယ် စပ်ယူပါ) ပြီး ငရုပ်သီး၊ကြက်သွန်ဖြူ၊ကြက်သွန်မိတ် လှီးထည့် ပြီးအဲဒီမှိုတွေပေါ်လောင်းလိုက်။ ပြီးရင် ၁၀မိနစ်လောက်ရေနွေးဆူဆူမှာပေါင်း။ ဒါဆိုရပြီ။

ဒါကပေါင်းအပြီး။ အမြင်လည်းလှသလို စားလို့လည်းကောင်းပါတယ်။

ဒါကအရင်နေ့ကချက်စားတဲ့ အမဲသားလုံးဟင်း။ အမဲသားကို ဒီလိုမျိုးချက်တာလည်း စားကောင်းတယ်။

**** ထပ်ဖြည့်ထားတာ *****အမဲသားကြိတ်ပြီးသားလေးတွေကို ဂျင်းနဲ့ကြက်သွန်ဖြူ  ညက်ညက်ထောင်းနဲ့ရော၊ ကြက်ဥ၁လုံးပါထည့်၊ ဆားအချိုမှုန့်ရောနယ်ပြီး အရွယ်တော်လေးတွေလုံးထားလိုက်တယ်။ ပြီးရင် ကြက်သွန်နီ(ပါးပါးလှီး)၊ ကြက်သွန်ဖြူဂျင်း (ညက်ညက်ထောင်း)  ကိုဆီသတ် (စိတ်ရှည်လက်ရှည်ဆီသတ်ပါ) ပြီး ကြက်သွန်နီကြော်လေးတွေ တော်တော်နွမ်းစပြုပြီဆိုရင် ခရမ်းချဉ်သီး အသေး၁လုံးကို ဘလန်ဒါနဲ့ ကြိတ်ပြီးထည့်ပါတယ်။ ငရုပ်သီးအရောင်တင်နဲနဲ၊အပေါ့အငံအတွက် ငံပျာရည်ထည့်ပြီး ဆီပြန်အောင်ထားပါ။ ဆီပြန်လာမှ ခုနက အမဲသားလုံးလေးတွေထည့်ပြီး ၁၀မိနစ်လောက် ထပ်တည်ရင် ရပါပြီ။ အမဲသားကကြိတ်ထားပြီးသားဆိုတော့ ခဏလေးနဲ့ ကျက်ပါတယ်

 

ဒါကတော့ နာနတ်သီးမုန့် နောက်ဆက်တွဲများ။ သူငယ်ချင်းတွေ အတွက်လုပ်သွားတာ

Happy CNY - နာနတ်သီးမုန့်

အားလုံးပဲ Happy CNY ပါ။ တရုပ်နှစ်ကူးရောက်ပြီမို့ ရုံးတွေလဲ ရက်ရှည်ပိတ်ပါပြီ။  တရုပ်မဟုတ်လို့ နှစ်သစ်မကူးပေမယ့် မုန့်လုပ်တဲ့သူပီပီ တရုပ်နှစ်ကူးမုန့်တွေကိုလည်း စိတ်ဝင်စားလိုက်တာပါပဲ။ (အိမ်ကလူကြီးကလည်း တရုပ်ပေမယ့် နှစ်မကူးတော့ အိမ်မှာဘာမှ လုပ်စရာမလိုဘူးပေါ့။)  ဒီမှာတရုပ်နှစ်ကူးနားနီးလာတာနဲ့ အတူသိသိသာသာ တွေ့လာရတာကတော့ နာနတ်သီးမုန့်လေးတွေပါ။ တခြားမုန့်တွေလဲ အစုံပါပဲ။ Bak Kwa တို့၊ အီကွေးတွေလဲ အများကြီးပဲ။ အဲဒီအထဲမှာမှ အရမ်းကြိုက်တာ နာနတ်သီးမုန့်ပါပဲ။ ဒီတနှစ်တော့ အဲဒီမုန့်လေးတွေကို ၀ယ်မစားဖြစ်ပဲ အိမ်မှာပဲ ရအောင် အကောင်အထည်ဖော်လိုက်ပါတယ်။ လုပ်နည်းကို ဒီ blog ကရတာပါ ။ အိမ်မှာ ၂ ယောက်ပဲဆိုတော့  အချိုးအစားတွေကို တ၀က်လျော့ချထားပါတယ်။


ရလာတဲ့ မုန့်လေးတွေကတော့ မဆိုးပါဘူး။ သူများတွေပြောနေသလိုမျိုး melt in the mouth ပဲ။ တစ်ခုပဲ ပုံလေးတွေတော့ သိပ်မလှဘူး။ ရေနဲနဲများသွားလို့ ကိုင်ရတော်တော်ခက်သွားတယ်။

ပါဝင်ပစ္စည်းများ

1. ထောပတ် ၁၄၀ ဂရမ်
2. ဂျုံ ၂၀၀ ဂရမ်
3. ပြောင်းဖူးမှုန့် ၂၅ ဂရမ်
4. icing sugar စားပွဲဇွနး ၃ ဇွန်း
5. ကြက်ဥ အနှစ် ၁လုံးခွဲ
6. ရေအေး စားပွဲဇွန်း၁ဇွန်း
7. နာနတ်သီးယို
8. Glaze - ကြက်ဥနှစ်၁လုံး + ရေ ၁ဇွန်းလျော့လျော့
9. Vanilla  လက်ဖက်ရည်ဇွန်း ၁ဇွန်း

ဂျုံ၊ ပြောင်းဖူးမှုန့် သကြားတို့ကို စကာ စစ်ပြီးရောမွှေထားလိုက်ပါ

ထောပတ် (အအေးဖြစ်ရပါမယ်၊ မပျော့ရ) ကိုအတုံးသေးသေးလေတွေတုံးပြီး ခုနက ဂျုံအရောထဲ ထည့်မွှေပေးပါ။ ခက်ရင်းနဲ့ ပဲ သမအောင်မွှေပေးပါ။ လက်ကိုသုံးချင်ရင်လည်း လက်ချောင်းလေးတွေနဲ့ပဲ နယ်ပါ။ အဓိကကတော့ ထောပတ်မပျော်အောင်ဖြစ်ပါတယ်။

ဒီအနေရပြီဆိုရင် ရပ်လိုက်လို့ရပါပြီ

ပြီးတော့ ကြက်ဥနှစ်၊ရေ၊ဗနီလာကိုရောမွှေပြီး ခုနကထောပတ်- ဂျုံအရောထဲကို ရောမွှေပေးပါ။ ဖြစ်နိုင်ရင် အကုန်မထည့်ပါနဲ့။ တ၀က်ကျော်ကျောက်လောက်အရင်ထည့်ပြီး မွှေကြည့်ပါ။ လိုမှထပ်ထည့်ပေါ့။ ရေသိပ်များသွားရင် မုန့်သားတအားပျော့ပြီး ကိုင်တွယ်ရခက်ပါတယ်။ ကျွန်မကတော့ အခုတစ်ခါ အကုန်လုံးထည့်လိုက်မိလို့ တော်တော်ကို ပုံသွင်းရတာဒုက္ခရောက်သွားတယ်။ နောက်တစ်ခါဆိုရင် ခုနကပြောသလိုရေ နဲနဲစီပဲထည့်မယ်လို့ စိတ်ကူးထားပါတယ်။ မုန့်တွေအားလုံး ပေါင်းသွားပြီဆိုရင် ထပ်မနယ်နဲ့တော့နော်။ မာသွားရင်စားမကောင်းဖြစ်တတ်ပါတယ်။

ပြီးရင်ရေခဲသေတ္တာထဲမှာ ၁၅ မိနစ် ပလတ်စတစ်နဲ့ အုပ်ပြီးထည့်။ ပြီးမှ မုန့်သားနဲနဲချင်းစီယူပြီး ဒလိမ့်တုန်းနဲ့လှိမ့်၊ ဖြတ်တဲ့ပုံစံခွက်လေးနဲ့ ဖြတ်ယူပါ။ အဲဒါလေးတွေကို ဆီသုတ်ထားတဲ့မုန့်ဗန်းပေါ်တင်၊ Glaze သုတ် ပြီးမှ နာနတ်သီးယိုကို ခလယ်က အချိုင့်လေးထဲမှာ လုံးပြီတင်လိုက်ပါ။ ၁၆၀ ဒီဂရီမှာ မိနစ် ၂၀ဖုတ်ရင်ရပါပြီ။

 နာနတ်သီးယို ကြိုပြီးလုံးထားတာ အလုံးနဲနဲကြီးသွားတယ်

ဒါမျိုး ၈ ခုလားပဲ လုပ်လို့ရတယ်။ တော်တော်ကိုင်ရခက်လို့ စိတ်မရှည်တာနဲ့ ကျန်တာတွေကို လက်နဲ့လုံးတဲ့ဟာလုံး။ cookie press နဲ့လုပ်တဲ့ဟာလုပ်နဲ့ ပြီးအောင်ဆက်လုပ်လိုက်တယ်။

ကြည့်ပါဦးမညီမညာ ကွတ်ကီးလေးတွေ။ စားလုက်ရင်တော့ ပါးစပ်ထဲမှာပျော်သွားအောင်ကောင်းပါတယ်။  ပျော်စရာ အားလပ်ရက်များဖြစ်ပါစေ။

ဟင်းထုပ်

ဒီတစ်ခါတော့ ဟင်းထုပ်ကို အောင်မြင်စွာ လုပ်နိုင်သွားပါပြီ။ ဒီဟင်းထုပ်ကို ဘယ်လိုမှ လုပ်လို့မရလို့ လက်လျော့ထားတာ အတော်ကြာပါပြီ။ ခုတော့ FB က ရင်းနှီးတဲ့ မခမ်းရဲ့ ကျေးဇူးကြောင့် အဆင်ပြေပြေလုပ်လို့ ရသွားတာမို့ မခမ်းကို ကျေးဇူးအများကြီးတင်ပါတယ် မရေ။ ဟင်းထုပ်လုပ်နည်းကလည်း လွယ်တယ်သာထင်ရတာ အချိုးအဆကလည်း အများကြီး စကားပြောပါတယ်။ (ဒါကလည်း အကြိမ်ကြိမ်အခါခါ ပစ်လိုက်ရတဲ့ တကယ့်ကိုယ်တွေ့ပါ)။ ဒါ့အပြင် တစ်ခါမှလည်း မစားဖူးပဲ အိမ်ကလူကြီး ရဲ့  မှတ်ချက်နဲ့ လုပ်ရတာမို့ ပိုလို့ခက်ပါတယ် (သူက မဟုတ်သေးဘူး။ မာလွန်းတယ်။ ဒီလိုလည်း မဟုတ်ပြန်ဘူး စသဖြင့်ပေါ့)။ ကိုယ့်ဘာသာကိုယ် စားဖူးထားရင်တော့ နဲနဲမှန်းဆရလွယ်မယ်လို့ ထင်တယ်။ ပထမအခေါက်တွေ စမ်းကြည့်တုန်းက ဒီလိုကိုမဟုတ်တာပါ။ ခုတစ်ခါတော့ ပေါင်းပြီးပြီးချင်း ငှက်ပျောရွက်လေးကို အသာလေးဖယ်၊ ဟင်းထုပ်အသားကို ခက်ရင်းနဲ့ထိုးပြီး စမ်းကြည့်လိုက်တာနဲ့ အောင်မြင်သွားပြီဆိုတာ သိလိုက်လို့ အရမ်းကိုပျော်သွားတာပါဘဲ။ နောက်လည်း ခဏခဏလုပ်စားဖြစ်မှာ သေချာနေပါတယ်။

တခြားသူတွေအတွက်တော့ FB ကိုဘယ်လိုမြင်လဲမသိပါဘူး။ ကျွန်မအနေနဲ့ကတော့ အဲဒီကနေတဆင့် မိတ်ဆွေသစ်တွေအများကြီးရသလို ပညာတွေလည်း အများကြီးရပါတယ်။ ကျွန်မကတော့ ဟင်းချက်တာတွေလုပ်တော့ ကျွန်မမိတ်ဆွေအများစုကလည်း ဟင်းချက်တာကို စိတ်ဝင်စားတဲ့ အိမ်ရှင်မတွေပဲပေါ့ ။ တစ်ယောက်နဲ့တစ်ယောက် မသိသေးတဲ့ချက်နည်းပြုတ်နည်း၊ မုန့်ဖုတ်နည်းတွေ ဖလှယ်တဲ့အပြင် ရင်းရင်းနှီးနှီးခင်ခင် မင်မင်ရှိကြလို့ အရမ်းစိတ်ချမ်းသာစရာကောင်းပါတယ်။ အခြေအနေပေးလို့ တစ်ချို့ ညီအစ်မတွေကို အပြင်မှာတွေ့ခွင့်ရလိုက်တာဟာလဲ ရတောင့်ရခဲအခွင့်အရေးတစ်ခုပါပဲ။ ရေစက်လို့ပဲပြောရမှာပါဘဲ။

ကဲ ဟင်းထုပ်ဆီကို ပြန်သွားလိုက်ဦးမယ်။ မုန့်အကြောင်းပြောရင်း လမ်းချော်ကုန်လို့။  စမ်းကြည့်နိုင်အောင်လို့ လုပ်နည်းကို ပြန်ကူးပေးလိုက်ပါတယ်။

(ဟင်းထုပ် ၂ ထုပ်စာ အတွက်)

• ကြက်သွန်မိတ် ၇၅ ဂရမ် (ရေဆေးပြီး လက်၁ဆစ်လောက်လေးတွေ ဖြတ်ထားပါ)
• ခရမ်းချဉ်သီး ၁ လုံး (အစေ့ထုတ်ပြီး လှီးထားပါ)
• ကြက်သားမှုန့် လက်ဖက်ရည်ဇွန်း ၁ ဇွန်းး
• ဆားအနည်းငယ်
• ဆီ စားပွဲဇွန်း ၂ ဇွန်း
• ဆန်မှုန့် - ၈ ဇွန်း
• ကောက်ညှင်းမှုန့်  ၁ ဇွန်း  (ဒီဟာက မုန့်သားပျော့စေတဲ့ အဓိက ပစ္စည်းလို့ထင်ပါတယ်)

ပထမဆုံး ဆန်နဲ့ ကောက်ညှင်းကို ရေ ၇ဇွန်းသာသာလောက်နဲ့ ရောမွှေပြီး ၁ညသိပ်ထားပါ
မနက်ရောက်မှကျန်သောပစ္စည်းတွေ အားလုံးရောထည့်ပြီး ငှက်ပျောဖက်ထဲထည့်၊ ၁ နာရီလောက်ပေါင်းပေးရင် ရပါပြီ။ ဟင်းထုပ်ကို ကြက်သွန်ဖြူ ဆီချက်၊ ငရုပ်သီး ဆီချက်တို့နဲ့ တွဲစားကြတာ တွေ့ဖူးပါတယ်။

မပေါင်းခင်

ငှက်ပျောရွက်ကို မထုပ်ခင်မှာ မကွဲအောင် အပူပေး၊ မီးကင်လေ့ရှိပါတယ်။ မနေ့ကတော့ နည်းသစ်တစ်မျိုးနဲ့ စမ်းကြည့်တာ အဆင်ပြေတယ်။ ငှက်ပျောရွက်ကို ရေစင်အောင်ဆေးပြီး မိုက်ခရိုဝေ့ဖ် ထဲမှာ ၂ မိနစ်လောက် မီဒီယမ်နဲ့ အပူပေးရင်ရပြီ။ တကူးတက မီးကင်တာတို့ ရေနွေးလောင်းတာတို့ လုပ်စရာမလိုတော့ဘူး။ မြန်ပြီး အလုပ်ရှုပ်သက်သာပါတယ်။

စားဖို့အသင့်ပါ။ အိမ်မှာမရှိရှိတဲ့ ငရုပ်သီးနဲ့ ကြကသွန်ဖြူကြော်ကို ထည့်ထားသော ဟင်းထုပ်။