အိမ်မှာ ကြက်သားဟင်းချက်နည်းတွေ ထပ်နေရင် ဒီနည်းလေးကို အပြောင်းအလဲလေး ဖြစ်အောင် စမ်းချက်ကြည့်ဖို့ တိုက်တွန်းချင်ပါတယ်။
Chicken Sioh လို့ခေါ်တဲ့ Nyonya ရိုးရာဟင်းတစ်မျိုးပါ။ ချက်ရတာလဲ မြန်ဆန်ပြီး အရသာလည်းရှိပါတယ်။ ထူးဆန်းတဲ့ အချက်က ဆီလုံးဝ မပါတာပါ။ ကျွန်မတို့ သာမန်ဟင်းချက်နည်းတွေက အနည်းနဲ့ အများတော့ဆီပါ ကြတာပဲလေ။ ဒီနည်းကတော့ လုံးဝဆီ မသံုးတာပါ။ ဆီမပါလဲ စားလို့ကောင်းတဲ့ ဒီဟင်းကို
အိမ်ကအိမ်သားတွေကတော့ နှစ်သက်ကြပါတယ်။
ပါဝင်ပစ္စည်များ
- ကြက်တစ်ခြမ်း (ခပ်သေးသေးတုံးပါ)
- ကြက်သွန်နီဥ အကြီး ၂ လုံး (နုတ်နုတ်စဉ်းပါ)
Seasoning
- နံနံမှုန့် ( စားပွဲဇွန်း ၁ ဇွန်းခွဲ)
- ငရုပ်ကောင်း (လက်ဖက်ရည် ၁ ဇွန်း)
- ပဲငံပျာရည် အကြည် ( စားပွဲဇွန်း ၂ ဇွန်း )
- ပဲငံပျာရည်အနောက် ( လက်ဖက်ရည် ဇွန်းတစ်ဝက် )
- သကြား (စားပွဲဇွန်း ၁ ဇွန်းခွဲ)
- မန်ကျည်းရည် (ကွမ်းသီးလုံးတစ်ဝက်ခန့် မန်ကျည်းနှစ်ကို ရေတရုပ်ပန်းကန်လုံး ၁ လုံးခွဲခန့်နှင့်ဖျော်ထားပါ)
ချက်ပြုတ်နည်း
ပထမဆုံး ကြက်သားကို ဆားလက်ဖက်ရည်ဇွန်း
တစ်ဝက်ခန့်ဖြူးကာ နှပ်ထားပေးပါ
နောက် နံနံမှုန့်ကို အနံ့မွှေးလာအောင်
အိုးပူတိုက်ပေးပါ။
အနံ့တွေမွှေးတက်လာပြီဆိုရင်
ပါဝင်ပစ္စည်းအားလုံးကို ရောမွှေပေးပြီး မီးပြင်းပြင်းမှာ ဆူအောင်တည်ပါ
ဆူလာတာနဲ့ မီးလျော့ပြီး မီးနဲနဲ
နဲ့ ကြက်သားတွေ နူးမြည့်ပြီး အနှစ်ခပ်ပျစ်ပျစ်တွေရလာတဲ့ အထိတည်ပါ။
ပြီးရင်တော့ ထမင်းဖြူလေးနဲ့
စားဖို့အသင့်ဖြစ်ပါပြီ။ အစပ်ကြိုက်ပါက ငရုပ်သီးစိမ်းဖြူးကာ သုံးဆောင်နိုင်ပါတယ်
No comments:
Post a Comment