ပင်လယ်စာကြံဇံကော်ရည်

အားလုံးပဲမင်္ဂလာပါနော်။ ခရီးထွက်ရာကနေ ပြန်ရောက်ပြီမို့ ဟင်းချက်နည်းလေးတွေကို ပုံမှန်ပြန်တင်ပေးပါမယ်။ ဒီတစ်ခါခရီးက ၂ ပတ်ပေမယ့်လို့ လုပ်စရာရှိတဲ့ ကိစ္စလေးတွေကို တော်တော်လေးလုပ်လိုက်ရပါတယ်။ အချိန်အခက်အခဲကြောင့် တစ်ချို့တွေ့ချင်တဲ့ ညီအစ်မများနဲ့ မတွေ့လိုက်တာလေးတော့ စိတ်မကောင်းဖြစ်မိတယ်။ အရင်ကလူကိုယ်တိုင်ရင်းနှီးခဲ့ဖူးတဲ့ ငယ်သူငယ်ချင်းတစ်ယောက်ကို တွေ့ဖို့သေသေချာချာအချိန်ပေးပြီး ချိန်းခဲ့ပြီးမှ တမင်တကာလုပ်တယ်လို့ ထင်ရလောက်အောင် စိတ်ပျက်စရာကောင်းတဲ့ အခြေအနေမျိုးနဲ့ကို သူဖန်တီးခဲ့တာကြောင့် သွားတွေ့ဖို့ကြိုးစားမိခဲ့တဲ့ ကိုယ့်ကိုကိုယ်ပဲ အပြစ်တင်မိပါတယ်။ တကယ်ဆို အဲဒီသူငယ်ချင်းနဲ့ မချိန်းဖြစ်ခဲ့ရင် အနည်းဆုံးတော့ကိုယ်တွေ့ချင်တဲ့သူ၂ ယောက်လောက်တော့ တွေ့ဖို့အချိန်ရမယ်လို့တွေးရင်း နောင်တကြီးစွာဖြစ်မိတယ်။ အဲဒီအကြောင်းလေးကိုတော့ သင်ခန်းစာအဖြစ် နောက်မှပဲထပ်ရေးတော့မယ်။ ခုလောလောဆယ်တော့ ဟင်းချက်နည်းသစ်လေးတွေမျှော်နေတဲ့သူတွေအတွက် ပင်လယ်စာကြံဇံကော်ရည်လေးနဲ့ မိတ်ဆက်ပေးပါရစေ (ဒီဟင်းလေးကလည်း စက်တင်ဘာလထုတ် FOOD Magazine မှာပါပါမယ်။ ခေါက်ဆွဲကြော်နည်း အသစ် ၃မျိုးထဲက တစ်မျိုးပေါ့။ ၀ယ်ယူအားပေးကြပါဦးနော်)

***********************************************************************

လုပ်နည်းလေးက အင်တာနက်ကနေရှာပြီး ပြန်လည်ပြုပြင်ထားတာပါ။ အရသာအရမ်းရှိပြီး စားလို့ကောင်းတဲ့ ပင်လယ်စာကြံဇံကော်ရည်လုပ်နည်းလေးကို ပြန်ပြီး ဝေမျှပေးလိုက်ပါတယ်။ 

ပါဝင်ပစ္စည်းများ(တစ်ယောက်စာ)

• ဆန်ကြာဇံ ၁၀၀ ဂရမ် (ရေစိမ်ထားပါ)
• ကြက်သားပြုပ်ပြီးသား အနည်းငယ်
• မုန့်ညှင်းအနည်းငယ်
• ဂေါ်ဖီ အနည်းငယ်
• မုန်လာဥနီအနည်းငယ်
• ပြည်ကြီးငါး အသေးတစ်ကောင် (သန့်စင်ပြီး လှီးထားပါ)
• ပုဇွန် ၄ ကောင်
• သကြား လက်ဖက်ရည် ဇွန်း ထက်ဝက်
• ဆား လက်ဖက်ရည် ဇွန်း ထက်ဝက်
• ငရုပ်ကောင်း အနည်းငယ်
• ကြက်သား stock ၂၅၀ မီလီလီတာ
• ကြက်ဥ ခေါက်ထားပြီးသား တစ်လုံး
• ကြက်သွန်ဖြူ ၁မွှာ
• ကြက်သွန်နီ ဥအသေးလေး ၁ ဥ 
• ပြောင်းဖူးမှုန့် စားပွဲဇွန်းမောက်မောက် ၁ ဇွန်းကို ရေ ၂ ဇွန်းနဲ့ရောမွှေထားပေးပါ (ပြောင်းဖူးမှုန့်မရှိခဲ့ရင် ကော်မှုန့်အစားထိုးနိုင်ပါတယ်။ ဒါပေမယ့် ကော်မှုန့်က ပိုပျစ်တဲ့အတွက် အပျစ်အကျဲကိုတော့ ပြန်ချိန်ဆပေးရပါလိမ့်မယ်)

• ချက်ပြုတ်နည်း
  
  

1. ပထမဆုံး ရေစိမ်ထားတဲ့ ကြာဇံကို ဆီပူပူပေါ်မှာ (ဆီစားပွဲဇွန်း ၁ ဇွန်း) ကြက်ဥလေးတောက်ပြီး ကြော်ပေးပါ။ ၂ မိနစ်လောက်ကြော်ရင်ရပါပြီ။ ပြီးရင်ဖယ်ထားလိုက်ပါ
2. နောက်ဆီစားပွဲဇွန်း ၁ ဇွန်ကို အပူပေးပြီး နုတ်နုတ်စဉ်းထားတဲ့ ကြက်သွန်ဖြူနီကို ထည့်ကြော်ပေးပါ။
3. အနံ့မွှေးတက်လာရင် ဂေါ်ဖီနဲ့ မုန်လာဥနီကိုထည့်ပေးပြီး ၁ မိနစ်လောက်ကြော်ပေးပါ။
4. နောက် ကြက်ပြုတ်ရည်ကို ထည်ပေးပါ။ ကြက်ပြုတ်ရည်ဆူလာရင် ကြက်သား၊ ပုဇွန်၊ ပြည်ကြီးငါး၊ မုန်ညှင်း အားလုံးကိုထည့်မွှေပေးပါ ခဏတည်ပေးပြီးရင် ဆား၊သကြား နဲ့ ငရုပ်ကောင်းကို ဖြူးပေးပါ။
5. ကြက်ဥကိုလည်းထည့်ပေးပြီး အသာအယာမွှေပေးပါ။ နောက်ဆုံးမှ အသင့်ပြင်ထားတဲ့ ကော်ရည်ကိုထည့်ပေးပါ။ ဆူလာရင်ရပါပြီ။

ပွဲပြင်ဖို့အတွက် ခုနကကြော်တားတဲ့ ကြာဇံကိုထည့်ပေးပြီး ချက်ထားတဲ့ဟင်းရည်ကိုဆမ်းပြီး ချက်ခြင်းသုံးဆောင်ပါ။

ချဉ်စပ်ဟင်းချို၊ Hot and Sour Soup

ဒီတစ်ခါမှာတော့ သောက်လို့ကောင်းတဲ့ ချဉ်စပ် ဟင်းချိုနဲ့ မိတ်ဆက်ပေးချင်ပါတယ်။ ဒီနည်းကိုတော့ စာအုပ်တစ်ခုထဲကနေပြန်ပြီး မှီငြမ်းထားတာပါ။ ပဲပြား မှိုခြောက်တွေပါဝင်ပြီး အရသာတော်တော်ကောင်းလို့ လုပ်နည်းလေးကို ပြန်ရှယ်ပေးလိုက်ပါတယ်။

ပါဝင်ပစ္စည်းများ

• ရှီတာကီမှိုခြောက် ၅ ခု (ရေစိမ်ပြီး ပါးပါးလှီးထားပါ)
• Button Mushroom  ၅ခု (ပါးပါးလှီးထားပါ)
• မုန်လာဥနီ အနည်းငယ် (ပါးပါးသေးသးလှီးထား)
• ပဲပြားလက် ၂လုံးစာအထူခန့် ၆ ခု
• ကြက်သားပြုတ်ပြီးသား လက်တစ်ဆုပ်စာ
• ကြက်ဥ ၁လုံး + နှမ်းဆီလက်ဖက်ရည် ၁ ဇွန်း
• ကြက်သွန်ဖြူ ၂ မွှာ (နုတ်နုတ်စဉ်း)
• ကြက်သွန်မိတ် ၁ ပင်
• ကြက်ပြုတ်ရည် ၁လီတာ
• ပြောင်းဖူးမှုန့် စားပွဲဇွန်း ၁ ဇွန်း+ ရေ စားပွဲဇွန်း ၁ ဇွန်း

ဟင်းခပ်ရန်

• ပဲငံပျာရည်အကြည် စားပွဲဇွန်း ၂ ဇွန်း
• ရှာလကာရည် စားပွဲဇွန်း ၂ ဇွန်း
• ငရုပ်ကောင်း အနည်းငယ်
• ငါးငံပျာရည် လက်ဖက်ရည် ၁ ဇွန်း

ချက်နည်း

1.     ပထမဆုံး ဆီစားပွဲဇွန်း ၁ ဇွန်းကို ပူအောင်တည်ပြီး မုန်လာဥနီကို ဆီသတ်ပေးပါ။

2.     ၁ မိနစ်လောက်နေရင် button mushroom လေးတွေကိုပါဆီသတ်ပေးပါ။

3.     ပြီးရင် ငရုပ်သီးအကြမ်းမှုန့် လက်ဖက်ရည် ၁ဇွန်း နဲ့ ကြက်သွန်ဖြူကိုပါ ထည့်မွှေပေးပါ။

4.     နောက် ကြက်ပြုတ်ရည် ၁ လီတာကိုလည်း ထည့်မွှေပေးပြီး ဆူအောင်တည်ပေးပါ။

5.     ဆူရင် ကြက်သား၊ ပဲပြားနဲ့ ဟင်းခပ်အရည်များကို ထည့်မွှေပေးပါ။

6.     ထပ်ဆူလာရင် ပြောင်းဖူးမှုန့်နဲ့ ရေ အရောကိုထည့်ပြီး ပျစ်အောင်မွှေပေးပါ။

7.     နောက်ဆုံးမှ ကြက်ဥနဲ့ နှမ်းဆီရောခေါက်ထားတာကို ဖြည်းဖြည်းချင်းထည့်ပြီးမွှေပေးပါ။  ၅ မိနစ်လောက်ထပ်တည်ပြီးရင် သုံးဆောင်လို့ရပါပြီ

Singapore Style Hokkien Mee Noodle

စင်္ကာပူကနာမည်ကြော် ခေါက်ဆွဲကြော်ထဲမှာ Hokkien Mee လည်းအပါအ၀င်ပါပဲ။

ကျွန်မ စင်္ကာပူကိုရောက်ခါစက အဲဒီခေါက်ဆွဲကို အထူးအဆန်းအနေနဲ့ သဘောကျပြီး ခေါက်ဆွဲကြော်ပုံကြော်နည်းကို ခဏခဏရပ်ကြည့်ခဲ့ဘူးတာကို ပြန်ပြီးသတိရမိတယ်။ ဒီ Hokkien ခေါက်ဆွဲကလည်း နေရာဒေသလိုက်ပြီး (မလေးရှား KL မှာချက်တဲ့နည်းကာ တစ်မျိုးပါ) ချက်ပြုတ်နည်း နဲနဲကွာပါတယ်။  ခုကျွန်မချက်မယ့် နည်းကတော့ စင်္ကာပူမှာသုံးတဲ့နည်းပါ။ အဓိက ကတော့ပင်လယ်စာပေါ့နော်။ အသားပါတာကို သဘောကျတယ်ဆိုရင် ၀က်သားသုံးထပ်သားကို ပြုပ်ပြီး ခပ်သေးသေးပါးပါးလေးတွေ လှီးထည့်နိုင်ပါတယ်။ 

လုပ်နည်းလေးကို ကြည့်ကြရအောင်။ ခုရေးပြမယ့် အချိုးအစားတွေက တစ်ယောက်စာပါ။

• ဂျုံခေါက်ဆွဲ အ၀ါ ၁၀၀ ဂရမ် (မကပ်အောင်ဖွထားပါ)
• နန်းလတ် ၁၀၀ ဂရမ် (မကပ်အောင်ဖွထားပါ)
• ပုဇွန် ၄ ကောင်
• ပြည်ကြီးငါးအနည်းငယ်
• ကျူဆိုင် ၂ ပင် (တစ်လက်မခွဲလောက်ရှည်ရှည်လေးတွေလှီးထား)
• ကြက်သွန်ဖြူ ၃ မွှာ (နုတ်နုတ်စဉ်းထားပါ)
• ကြက်ဥ ၁ လုံး
• ပုဇွန် ဟင်းရည် ၃၅၀ မီလီလီတာ (တရုပ်ထမင်းစားပန်းကန်လုံး ၂ လုံးခန့်)
• ငံပျာရည် လက်ဖက်ရည် ၁ ဇွန်း
• ငရုပ်ကောင်း အနည်းငယ်
• နှမ်းဆီ အနည်းငယ်

ပုဇွန်ဟင်းရည်ချက်နည်း

ပထမဆုံး ပုဇွန်တွေကို အခွံခွာပြီး သန့်ရှင်းရေးလုပ်ထားလိုက်ပါ။ အဲဒီပုဇွန်ခေါင်းနဲ့ အခွံတွေနဲ့ ပုဇွန်ဟင်းရည်ပြန်ချက်ပါမယ်။  ပုဇွန်အခွံအားလုံးကို ဆီ (စားပွဲဇွန်း ၁ဇွန်းခန့်)ပူပူမှာ ခဏလှော်လိုက်ပြီး အနီရောင်သမ်းလာတာနဲ့ ရေတရုပ်ပန်းကန်လုံးနှစ်လုံးခွဲကို ထည့်ပေးလိုက်ပါ။ မီးအေးအေးနဲ့ နာရီဝက်လောက်တည်ရင် ပုဇွန်ဟင်းရည်ရပါပြီ။ အဲဒီအရည်ပမာဏဟာ ၃၅၀မီလီလီတာလောက်တော့ကျန်ရပါမယ်။ အခွံတွေကို စစ်ထုတ်လိုက်ပြီး ကြက်သားအဆီ (Knorr ကထုတ်တဲ့ အဆီ) ထမင်းစားဇွန်း ၁ ဇွန်းကို ရောမွှေပေးထားလိုက်ပါ။

ခေါက်ဆွဲမကြော်ခင် ပုဇွန်နဲ့ ပြည်ကြီးငါးကိုလည်း ရေဆူဆူမှာ ၁ မိနစ်လောက်ပြုပ်ပေးလိုက်ပါဦး။ ပြီးရင်ပြည်ကြီးငါးကိုလှီး ပြီး ပုဇွန်နဲ့ရောထားလိုက်ပါ။

ခေါက်ဆွဲစကြော်ရအောင်

1. ဆီစားပွဲဇွန်း ၁ ဇွန်းခွဲ နဲ့ နှမ်းဆီနဲနဲ ကိုပူအောင်တည်ပြီး နုတ်နုတ်စဉ်းထားသော ကြက်သွန်ဖြူများကို ထည့်ပေးပါ။
2. ကြက်သွန်ဖြူနံ့လေးမွှေးလာတာနဲ့ ကြက်ဥကိုထည့်မွှေပေးပါ
3. ခေါက်ဆွဲ ၂ မျိုးလုံးကိုတပြိုက်နက်ထည့်ပေးပြီး မီးပြင်းပြင်းမှာ ၂ မိနစ်ခန့်ကြော်ပါ။
4. ပြီးရင် ခုနကအသင့်ပြင်ထားတဲ့ ပုဇွန်အရည် သုံးပုံ ၁ပုံကို ထည့်ပေးပြီး အရည်တွေခမ်းသွားအောင် ကြော်ပါ။ နောက်ထပ် သုံးပုံ၁ ပုံကိုထပ်ထည့်ပြီး အိုးကို အဖုံးအုပ်ထားပါ။ အရည်တွေခမ်းလာပြီဆိုရင် နောက်ဆုံးကျန်တဲ့ သုံးပုံတစ်ပုံ နဲ့ ပင်လယ်စာ၊ ကျူဆိုင်တွေကို ထည့်ပေးပါ။ ငံပျာရည်၊ ငရုပ်ကောင်း လည်း တစ်ခါတည်းထည့်မွှေပေးပြီး အရည်နဲနဲကျန်တဲ့အနေမှာ ချပြီးသုံးဆောင်ပါ။
5. ဆမ်းဘားဆော့စ်၊ သုံပုရာရည်ညှစ်လိုက်ရင်တော့ ပိုပြီးအရသာရှိသော Hokkein ခေါက်ဆွဲရပါပြီ။