လွယ်ကူမြန်ဆန်တဲ့ Quesadilla

ကလေးများအတွက် သင့်တော်မယ့် မနက်စာကတော့ Quesadilla လို့ခေါ်တဲ့ Tortilla ကိုသုံးပြီး ပြုလုပ်တဲ့ မုန့်တစ်မျိုးပါ။ ချိစ်ကို Filling အဖြစ်အဓိကသုံးပြီး တခြားနှစ်သက်ရာ အသား/ Ham များကိုလည်း ထည့်ပြီးလုပ်လို့ရပါတယ်။ သူရဲ့မူလ စတင်တဲ့ နေရာကတော့ မက်ဆီကို နိုင်ငံကဖြစ်ပြီး စပိန်ဘာသာစကားဖြစ်တဲ့ queso ( ချိစ်) နဲ့ Tortilla ကိုပေါင်းထားကာ Quesadilla  ဖြစ်လာရပါတယ်တဲ့။

သိပ်လွယ်ပြီး အရသာရှိတဲ့ မနက်စာကို ကလေးများသာမက လူကြီးများပါ နှစ်သက်ကြမှာ အသေအချာပါ။ ကျွန်မကတော့ ချိစ်နဲ့ တူနာကိုသုံးပြီးပြုလုပ်ထားပါတယ်

Rice Crispy (မရွေး)

ဒီတစ်ခါတော့ ကလေးမုန့်အလှည့်ပေါ့။ တစ်လမှာ ကလေးတွေအတွက် မုန့် ၂ ခု ဝေစုကျပါတယ် :D

ဒါလေးကတော့ မရွေးနဲ့ ဆင်တူတဲ့ မုန့်လေးပေါ့။ ဒီမုန့်လေးအတွက် ဆန်လှော်အကြွပ် (rice crispy ) နဲ့  Marsh mallow ကိုသုံးပြထားပါတယ်။ Marsh mallow ဆိုတာကလည်း  ကလေးများအကြိုက်မို့ သူနဲ့လုပ်ထားတဲ့ မုန့်လေးကိုလဲ ကြိုက်ကြမှာ အသေအချာပါ။

ပါဝင်ပစ္စည်းများ

• rice crispy - 4 cups
• marsh mallow - 3 cups
• ထောပတ် - ၃၀ ဂရမ်

ပြုလုပ်နည်း

• ပထမဆုံး ထောပတ်ကို မိုက်ခရိုဝေ့ဖ်ထဲမှာ ၁ မိနစ်ခန့်အပူပေးပြီး ပျော်အောင်လုပ်ပါ။ ထောပတ်ပျော်တာနဲ့ marsh mallow များကို ထည့်ပြီး ၂ မိနစ်ခန့်ထပ်အပူပေးလိုက်ပါ
• marsh mallow များလဲ ပျော်လာပြီဆိုရင် rice crispy များကို ရောထည့်ပြီး သမအောင်မွှေက ဗန်းထဲကို ဖိသိပ်ထည့်ပေးပါ။ လက်ကို ဆီဆွတ်ကာ ဖိထည့်ပေးရပါမယ်။

 

• သကြားခဲရောင်စုံလေးများနဲ့ အလှဆင်ပြီး ၂ နာရီလောက် ခဲထားပြီးရင် နှစ်သက်ရာပုံလှီးကာ သုံးဆောင်နိုင်ပါပြီ။ (ရေခဲသေတ္တာထဲ ထည့်ရန်မလိုပါ)
  

Strawberry Tart

လက်ဖက်ရည်ချိန်အတွက် အသင့်တော်ဆုံး ဖြစ်မယ်ထင်တဲ့ မုန့်လုပ်နည်းတစ်မျိုးကို လုပ်ပြချင်ပါတယ်။ အဲဒါကတော့ Strawberry Tart ပါ။ custard ချိုချိုလေးမှာ စတော်ဘယ်ရီ အရသာလေးနဲ့ သိပ်လိုက်ပါတယ်။ မအီပဲနဲ့ စားကောင်းတာမို့ သဘောကျကြမှာ အသေအချာပါ။ လုပ်နည်းလေးကလည်း လွယ်ကူတာကြောင့် ခဏခဏလုပ်စားဖြစ်မယ့် မုန့်လေးတစ်မျိုးပါပဲ

ပါဝင်ပစ္စည်းများ

ဂျုံသားအတွက်

• ဂျုံ ၂၅၀ဂရမ်
• icing sugar -  ၅၀ ဂရမ်
• ထောပတ် ၁၂၀ ဂရမ်
• ကြက်ဥ အနှစ် ၁ခု

လုပ်နည်း

1. ဂျုံနဲ့ သကြားမှုန့်ကို ရောမွှေထားပြီး ထောပတ်နဲ့ နယ်ပေးပါ။ 
2. ပုံမှာ ပြထားသလို အဖတ်အဖတ်ကလေးတွေ ဖြစ်လာပြီဆိုရင် ကြက်ဥအနှစ် ၁ ခုကိုရောမွှေပြီး ဂျုံအလုံးဖြစ်အောင် လုံးထားပါ။ 
3. ပြီးရင် ရေခဲသေတ္တာထဲမှာ ၁၀ မိနစ်လောက်ထားပေးပါ။ ပြီးရင် 1/2 စင်တီမီတာ လောက်အထူအပြားရအောင် ဆီစိမ်စက္ကူ ၂ခုကြားမှာ ဒလိမ့်တုံးနဲ့ လှိမ့်ပေးပါ။
4. မုန့်ဖုတ်မယ့် ခွက်ကလေးထက်နဲနဲကြီးကြီးအောင် ဖြတ်ပေးပြီး ခွက်ကလေးတွေထဲကို အသာအယာဖိသိပ်ပေးပါ။ ခွက်အောက်ခြေက်ို ခက်ရင်းလေးနဲ့ ၃ ချက်လောက်ထိုးပေးပါ။ ဒါဆိုရင် မုန့်ဖုတ်မယ့် ခွက်ကလေးတွေ အသင့်ဖြစ်နေပါပြီ။
5. နောက် ၁၇၀ ဒီဂရီ အပူပေးထားတဲ့ Oven မှာ ၁၅ မိနစ်လောက်ဖုတ်ပေးပြီး အအေးခံပေးထားပါ

Pastry Cream ပြင်ဆင်ခြင်း

• ကြက်ဥအနှစ် ၄ခု
• ပြောင်းကော်မှုန့် - ၃၂ ဂရမ်
• သကြား - ၁၂၀ ဂရမ်
• နွားနို့ ၃၅၀ မီလီလီတာ
• ထောပတ် စားပွဲဇွန်း ၂ ဇွန်း
• ဆား - ပါရုံမျှ
• ဗနီလာ အနံ့ လက်ဖက်ရည်ဇွန်း တစ်ဝက်

ပြင်ဆင်နည်း

• ပြောင်းကော်မှုန် နဲ့ သကြား ၄၀ ဂရမ်ကို ရောမွှေပေးပြီး နွားနို့ ၁၅၀ မီလီလီတာကို ထည့်မွှေပါ။ ကြက်ဥများကိုလည်း သမအောင်ရောခေါက်ပေးပါ

• ကျန်နို့များနဲ့ သကြားများကို ဆူအောင်တည်ပေး ပြီး ပထမအဆင့်မှာပါတဲ့ ကြက်ဥ၊နွားနို့ အရောထဲကို ဖြည်းဖြည်းခြင်းလောင်းထည့်ပေးပါ။ လောင်းနေရင်းက အဆက်မပြတ် မွှေပေးနေရပါမယ်
• သမသွားရင် မီးပေါ်မှာပြန်တည်ပြီး ပြစ်လာအောင်မွှေပြီး အအေးခံပါ။ ဒါဆိုရင် pastry cream ရပါပြီ

• ရလာတဲ့ cream များကို ခုနက အသင့်ပြုလုပ်ထားတဲ့ မုန့်သားလေးတွေပေါ်မှာတင်ကာ စတော်ဘယ်ရီသီးများ စီထည့်ပြီးရင် သုံးဆောင်နိုင်ပါပြီ

.