Wednesday, October 1, 2014

ကြက်ဥ အနှစ်နဲ့ အကာ ရဲ့လုပ်ဆောင်ချက်





ဟိုတစ်နေ့က မဂဇင်းက လှမ်းပြီးမေးလာပါတယ်..
သိချင်တဲ့သူတစ်ယောက်က ကြက်ဥအနှစ်နဲ့ အကာဘာကွာလဲဆိုတာကို မေးတာပါတဲ့....

သိသလောက်ပြန်ပြီး မျှဝေလိုက်ပါတယ်..

ကြက်ဥရဲ့ အကာနဲ့ အနှစ် တစ်ခုခြင်းစီမှာ သူ့လုပ်ဆောင်ချက်နဲ့ သူရှိပါတယ်။ ကြက်ဥ အကာကတော့ ထုထည် (Volume) အတွက် အဓိကကျပြီး ကြက်ဥအနှစ်ကတော့ အဆီဓာတ်ပါတာကြောင့် မုန့်သားကို ပျော့ပြောင်းစေပါတယ်။
ထောပတ်ကိတ်လိုမျိုး သိပ်သည်းတဲ့ ကိတ်တွေမှာ ကြက်ဥအကာနဲ့ အနှစ်ကို သပ်သပ်ခွဲသုံးစရာမလိုပါဘူး။

ပွတက်ဖို့လိုအပ်တဲ့ ကိတ်မျိုး (Chiffon / Angle Food cake) လိုမျိုးတွေမှာ အကာနဲ့ အနှစ်ကို ခွဲသုံးကြတာများပါတယ်။
Sponge cake တစ်ချို့မှာလည်း အနှစ်အကာ ခွဲတဲ့နည်းကို သုံးကြပေမယ့် တစ်ချို့ကတော့ ဒီတိုင်းပဲသုံးကြပါတယ်။
ပွတက်စေရန်လိုအပ်တဲ့ ကိတ်တွေမှာ ကြက်ဥအကာကို သပ်သပ်ခေါက်ခြင်းအားဖြင့် ထုထည်ပိုများများရနိုင်သလို ခေါက်ထားတဲ့ ကြက်ဥအကာကလည်း အလွယ်တကူလျော့မသွားနိုင်ပါဘူး (Deflate မဖြစ်တာကို ဆိုလိုတာပါ)။ ကြက်ဥအနှစ်နဲ့ အကာ တွဲခေါက်တာကတော့ ကြက်ဥအနှစ်မှာပါတဲ့ အဆီဓာတ်ကြောင့် အကာသပ်သပ်ခေါက်သလောက် ထုထည်မရနိုင်ပါဘူး

ဒါတွေကတော့ အတွေ့အကြုံအရသိသလောက်တွေပေါ့...ဒီထက်ပိုတဲ့ အချက်တွေသိထားရင်လဲ မျှဝေပေးဖို့ ဖိတ်ခေါ်ပါတယ်နော်.

1 comment:

Ma Tint said...

မှတ်သွားပြီ..ကျေးဇူးပါ Evy ..