Friday, September 10, 2010

အင်ဒိုနီးရှား ပဲပုတ်ချက်

ပဲပုတ်အစစ်နီးပါးကို အရသာကောင်းတဲ့ အင်ဒိုနီးရှားပဲပုတ်ပါ။ Tempe လို့ခေါ်ပါတယ် ။အနံလည်းသိပ်မထွက်ပါဘူး။ ခရမ်းချဉ်သီးများများ နဲ့ ချက်လိုက်ပြီး ဆလပ်ရွက်လေးနဲ့တို့စားရင် အရမ်းအရသာကောင်းပါတယ်နော်။ သူက ဆားလေးနဲနဲတော့ပိုထည့်ရတယ်။ ပင်ကိုယ်ံအရသာက မငံပါဘူး။

ဒီမှာမလေးဆိုင်တွေမှာတော့ ပဲပုတ်ကို သကြားနဲနဲထည့်ကြော် ပြီး ငါးသေးသေးကြော်တို့၊ မြေပဲကြော်တို့တွေနဲ့ စားကြတာမြင်ဖူးပါတယ်။ တစ်ခါမှတော့ မမြည်းဖူးပါဘူး။ အိမ်မှာဘဲ စိတ်ကြိုက် ခရမ်းချဉ်သီး များများနဲ့ချက်စားလိုက်ပါတယ်။ ဒါကအိမ်မှာချက်တဲ့ပုံစံပါ။ တကယ့်ရှမ်းပြည်က ချက်တဲ့ပုံမျိုးနဲ့ တူချင်မှတူမှာပါ။ စိတ်ကူးပေါက်သလိုချက်ထားတဲ့ ပဲပုတ်ချက်ပါနော့။

  • Tempe ပဲပုတ် ၁ ထုတ် (ကတ်ကျေးနဲ့ သေးသေးညှပ်ထား)
  • ခရမ်းချဉ်သီး ၅ လုံး (ပါးပါးလှီးထား)
  • ငါးပိ နဲနဲ
  • ပဲငံပျာရည် စားပွဲဇွန်း ၂ ဇွန်း
  • ဆား လက်ဖက်ရည်ဇွန်း ၁ ဇွန်း
  • ကြက်သွန်ဖြူ ရမွှာ (ထောင်းထား)
  • ငရုပ်သီးတောင် အနီအသေး (အစပ်စားနိုင်သလောက်ထည့်ပါ)

ဆီစားပွဲဇွန်း ၆ ဇွန်းလောက်ကို ပူအောင်တည်။ ကြက်သွန်ဖြူထည့်။ ကြက်သွန်အနားလေးတွေ နဲနဲကြွပ်စ ပြုရင် ငါးပိ၊ ခရမ်းချဉ်သီးထည့် ပြီး နူးအောင်တည်ပါ။ ပြီးမှ ပဲပုတ်ထည့် ဆား၊ပဲငံပျာရည်၊ ငရုပ်သီးတောင့် နဲ့ ရေနည်းနည်းထည့်ပါ။ ဆီပြန်ရင်ရပါပြီ။

2 comments:

khin oo may said...

like

leomark said...

ပဲသိုး သုပ် ကို သွား သတိရတယ်ဗျား)